پٹنہ، 9/دسمبر (ایس او نیوز /ایجنسی) اتر پردیش اسمبلی میں اپوزیشن اور سماج وادی پارٹی کے سینئر رہنما اکھلیش یادو نے حکومت پر سخت تنقید کرتے ہوئے کہا کہ وزیر اعلیٰ یوگی آدتیہ ناتھ انتظامیہ چلانے میں مکمل طور پر ناکام ہو چکے ہیں۔ انہوں نے الزام لگایا کہ ریاست میں تمام فیصلے افسر شاہی کے ذریعے ہو رہے ہیں، جس کی وجہ سے عوامی مسائل حل ہونے کے بجائے مزید پیچیدہ ہو رہے ہیں اور ریاست میں افراتفری کا ماحول پیدا ہو گیا ہے۔

تیجسوی  یادو نے اتوار کو نامہ نگاروں سے کہا کہ وزیر اعلی نتیش  کمار حکومت چلانے کے قابل نہیں ہیں اور پوری طرح سے نوکرشاہوں پر منحصر ہو گئے ہیں۔ انہوں نے کہا کہ حقیقت میں بیوروکریٹس فیصلے کر رہے ہیں جس کی وجہ سے ریاست کا سارا منظر نامہ بگڑ گیا ہے۔

آر جے ڈی رہنما نے کہا کہ  وزیر اعلی نتیش کمار کی ہدایت پر بہار پبلک سروس کمیشن (بی پی ایس سی) کے مقابلہ جاتی امتحان کے امیدواروں کو انتظامیہ کی طرف سے غیر ضروری طور پر ہراساں کیا جا رہا ہے۔ انہوں نے کہا کہ ہفتہ کو پرامن طریقے سے اپنے جائز مطالبات اٹھانے والے امیدواروں پر لاٹھی چارج کیا گیا جسے برداشت نہیں کیا جا سکتا۔

تیجسوی  یادو نے کہاکہ "درخواست فارم داخل کرنے کی آخری تاریخ سے پہلے بی پی ایس سی سرور دو سے تین دن تک کام نہیں کر رہا تھا، جس کی وجہ سے ہزاروں طلباء اپنے فارم داخل نہیں کر پا رہے تھے۔" انہوں نے مطالبہ کیا کہ بی پی ایس سی سرور کو تین دن کے لیے دوبارہ کھولا جائے تاکہ وہ طلبہ اپنے فارم بھر سکیں۔ انہوں نے مشورہ دیا کہ طلباء پر لاٹھی چارج کرنے کے بجائے نتیش حکومت کو ان کی شکایات کے ازالے کے لیے کام کرنا چاہیے۔